അലറിപ്പെയ്യുന്ന മഴയ്ക്കൊടുവില്‍
ആകാശത്തില്‍ പതിക്കുന്ന സൂര്യവെളിച്ചം
മനോഹരമായ മഴവില്ലു സൃഷ്ടിക്കും..ജീവിതത്തിലെ കണ്ണുനീര്‍മഴകളില്‍
സൌഹൃദത്തിന്റെ സൂര്യവെളിച്ചം സൃഷ്ടിക്കും ...
മനോഹരമായ വിബ്ജിയോര്‍
പ്രതീക്ഷയുടെ പ്രതീകമെന്നപോലെ.
വയലറ്റ് .. യോജിപ്പിന്റെ, ഐക്യത്തിന്റെ പ്രതീകമാണത്‌..
സൗഹൃദം ഹൃദയങ്ങള്‍ തമ്മിലുള്ള യോജിപ്പല്ലാതെ മറ്റെന്താണ് .
ഇന്‍ഡിഗോ .. ശാന്തതയുടെ, നിശ്ശബ്തതയുടെ പ്രതീകം...ജീവിതത്തെ എത്രമാത്രം ശാന്തമാക്കും സൌഹൃദങ്ങള്‍ .
നീല.. കടലിന്റെ നിറം പിന്നെ ശാന്തമായ ആകാശത്തിന്റെയും...
സൗഹൃദം കടല്‍ പോലെ അഗാധം.. ആകാശം പോലെ വിശാലവും.
പച്ച.. സമൃദ്ധിയുടെ നിറം പ്രതീക്ഷയുടെയും...
ജീവിതത്തെ സമൃദ്ധിയുടെ, പ്രതീക്ഷയുടെ ഉത്സവമാക്കും സൌഹൃദങ്ങള്‍ .
മഞ്ഞ സന്തോഷത്തിന്റെ നിറമാണ് ...
യഥാര്‍ത്ഥ സൌഹൃദങ്ങള്‍ തരുന്ന സന്തോഷത്തേക്കാള്‍ വലുത് മറ്റെന്തുണ്ട് .
ഓറഞ്ച് ... തീയുടെ നിറം .. ആഘോഷത്തിന്റെയും...
തീ പോലെ ജ്വലിപ്പിക്കും ജീവിതത്തെ സൌഹൃദങ്ങള്‍ .
ചുവപ്പ്... ചോരയുടെ നിറം സ്നേഹത്തിന്റെയും...
സ്നേഹത്തിന്റെ പര്യായം തന്നെ സൌഹൃദങ്ങള്‍ .
ജീവിതത്തില്‍ മഴവില്ലുതീര്‍ക്കുന്ന എന്റെ പ്രിയ സുഹൃത്തുക്കള്‍ക്ക് ...
സൌഹൃദ ദിനാശംസകള്‍ !!!
No comments:
Post a Comment
You are Welcome to Comment